Ata e prome puyito di Panama Papers na Aruba: BBA Bank

Ata e prome puyito di Panama Papers na Aruba: BBA Bank
Top Ads
Top Ads

Panama Papers lo divulga henter su database completo dia 9 di Mei proximo. Pero ya caba periodistanan investigativo na Venezuela a los un bom riba e rumannan Castillo Bozo, cu na 2009 a habri BBA Bank na Aruba despues cu na nan mesun pais cos a cuminsa bira mucho hot pa nan. Net un luna prome cu a habri BBA Bank, Ministerio Publico di Venezuela a cita e rumannan Castillo Bozo pa conspiracion, obtene divisa na manera fraudulento y simulacion di actividad di bolsa. Pues aparentemente e guynan aki tabata wordo busca dor di autoridadnan Venezolano, pero toch a haya nan vergunning pa lanta un banco aki na Aruba sin niun problema. Hey, esun cu por, por!

Segun e periodista Fabiola Zerpa, dia cu nan a habri nan banco offshore na Aruba, ya caba par di aña Leopoldo y Gabriel Castillo Bozo tabatin tres compania offshore registra na Virgin Islands, na cual 22 otro compania – na Merca, Panama, Republica Dominicana y Aruba – tabata liga. Registracion di a lo menos e tres companianan na V.I. a wordo haci dor di e bufete di Mossack Fonseca, for di unda e Panama Papers a leak. Segun Zerpa, e companianan aki lo a facilita e rumannan pa bandona Venezuela prome cu autoridadnan por a pone man riba nan.

Unabes cu Leopoldo y Gabriel a yega na Aruba, BBA Bank – cu su slogan ‘Be Safe…Be in Aruba’ – su proposito tabata pa Venezolanonan warda nan dolares y mirando presencia di e prominente diputado opositorio Juan Jose Molina na e apertura, e banco tabata enfoca mas tanto riba anti-Chavistanan cu placa. Placa cu – gusta of no – a yuda tene nos economia bibo den temponan di crisis. Nan, pero tambe esnan cu tabata sostene PSUV manera Roberto Rincon, tabata cumpra cantidad di negoshi y real estate riba nos isla den e añanan ey. Awo BBA a sera diripente, supuestamente pasobra nan no por a mira crecemento y ‘pa otro motibonan personal’. Den un entrevista recien Leopoldo Castillo Bozo a declara entre otro cu BBA Bank na Aruba no tabatin nada di haber cu supuesto malversacionnan cu nan banconan na Venezuela. “Yo no soy el niño Jesús, ni pretendo serlo. Pero soy una persona correcta, no le robo nada a nadie”, asina el a duna di conoce na El Mundo Economía y Negocios.

Aki na Aruba lo ta interesante pa haya sa di Banco Central di Aruba y di gobernantenan di e tempo ey si nan tabata na altura di loke e rumannan Castillo Bozo tabata wordo acusa di dje na Venezuela e tempo ey y di nan shell companies na Tortola. Mientras tanto nos ta warda riba 9 di Mei…

Lesa e articulo di Fabiola Zerpa akinan.

Top Ads
Top Ads

About The Author

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.