CMB BD

Bo playanan tan admira…

Bo playanan tan admira…
Top Ads
Top Ads
Top Ads

Poco tempo pasa un iniciativa local a cuminsa pone blokinan cu texto, urgiendo turistanan pa tene nos beachnan panort limpi y pa no core cu vehiculo riba nan. Esey riba su mes ya caba ta mustra cu esnan cu mester pone borchi y enforsa ley no ta on the ball. No obstante esey e ta keda un tremendo idea anto riba dje haci na un manera sostenibel, re-uzando blokinan bieu. Un di e cosnan cu ta haci nos pais un exito como destinacion turistico ta e factor humano, pues cu nos mes ta activamente envolvi den cuido di nos producto turistico, participando entre otro den beach cleanups y limpiesa den mondi, pero tambe tumando accion na e manera aki ora instancianan mes no ta activa. Pero ja, manera social media awo ta mustra, no tin follow-up y turistanan riba jeep cu quad, pero tambe localnan ta ignora loke ta wordo pidi encarecidamente.

Companianan di tour cu ta sali cu quads, pero tambe carrentals y mas ainda nos mesun hendenan mester por sa cu pa basta tempo caba tin prohibicion riba coremento riba beach. Pero ja, ora cu no ta enforza ley bo ta mira esaki, pero tambe situacionnan peligroso unda cu turistanan ta pega of cay kibra nan c#!% pasobra nan kier y por ‘get off the beaten path’ (sorry pero bo no ta na bo cas na New Jersey of Connecticut pero riba costa panort di Aruba. Con mas off the beaten bo por bay).

Que hubo si ministerio di Turismo y ATA step in anto conscientisa nos bishitantenan riba hecho cu nan tambe tin cu tene cuenta cu Aruba su patrimonio natural? Que hubo si companianan di tour cuminsa actua na un manera mas responsabel pa cu nos naturalesa y cu carrentals bisa nan clientenan cu beach no ta pa offroad? Pone un patruya extra di polis core riba costa norte ta hopi pa pidi? Y unda nos ley di medio ambiente ta keda? Shonnan, ban tuma esaki mas na serio…

Top Ads
Top Ads
Top Ads

About The Author

Related posts

1 Comment

  1. eric

    Companianan di huur e quadnan jeepnan nan tour Gide nan ningun ta arubiano nan no sa mihor I nan no ta wordo educa tampoco

    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.