CMB BD

Andrés Sepúlveda, e hacker di J.J. Rendon ta basha abou

Andrés Sepúlveda, e hacker di J.J. Rendon ta basha abou
Top Ads
Top Ads
Top Ads

Cos bon pa lesa riba un diasabra. Andrés Sepúlveda ta un ex-hacker cu durante ultimo añanan a manipula diferente eleccionnan na paisnan Latino-Americano, di Honduras te cu Mexico y Venezuela. Trabounan cu e tabata haci pa diferente campañanan pa sumanan entre $12.000 y $20.000 pa luna tabata inclui intercepcion di comunicacionnan, hacking pa instala spyware y horta strategianan di campaña y manipula social media via rednan di fake accounts. Awo e ta sera na Colombia pa 10 aña despues cu nan a gare pa su actividadnan durante eleccion presidencial di 2014. “Mi trabou tabata pa haci guera sushi y operacionnan psicologico, ‘black propaganda’, rumornan, henter e banda scur di politica cu niun hende sa di dje pero cu tur hende por wak”, asina e ta splica Bloomberg News den un entrevista exclusivo. Hopi interesante ta su alegacion cu mayoria di e trabounan cu e tabata haci tabata bou instruccion di e conocido estratega politico Venezolano y – huzgando e pic akibou – parttime chef na Benihana, J.J. Rendon.

77263_9536_1

Na 2014, Rendon tabata traha pa e campaña di Juan Manuel Santos, te ora cu ela kita despues di alegacionnan cu e lo a tuma placa di narcotraficantenan na 2010 pa negocia pa nan. Rendon mes ta nenga cu e lo a laga Sepúlveda haci dicho trabounan p’e. Na 2014 MEP a alega cu Rendon lo a yuda campaña di AVP na 2013, algo cu Mike Eman a desmenti categoricamente.

Loke ta interesante na e articulo aki ta con awendia campañanan electoral y opinion publico por wordo manipula via actividadnan orquestra online. E fake accounts riba Facebook cu te dia di awe ta wordo uza aki na Aruba ta keda kens banda di esey, pero kizas e accountnan aki tabata y ta e unico pida cu nos ta wak. Anyway, con cu bay bin, e articulo aki ta lesa manera un bon cross entre ‘Mr. Robot’ y ‘House of Cards’. Gara bo popcorn.

Top Ads
Top Ads
Top Ads

Post source : http://www.bloomberg.com/features/2016-how-to-hack-an-election/

About The Author

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.