CMB BD

Breakaway

Breakaway
Top Ads
Top Ads
Top Ads

Mi no por a pensa di un cantica – anto di carnaval riba dje – mas apropia pa cu e situacion di ayera cu awe, na unda Otmar Oduber, minister di Turismo, transporte, Cultura, Cria y Pesca a entrega su retiro serca Gobernador. Despues di su declaracion na prensa, un par di nos a deduci cu duna un luna pa cambia maneho ta djis su manera pa pone e batata cayente den scochi di gobierno anto cana bay. Minpres di su banda a core anuncia cu e lo combersa cu Oduber lo mas lihe posibel, pero segun informe cu mi a ricibi e minister tin intencion di tuma un par di dia off pafo di e isla, lagando Minpres por lo pronto dilanti un porta sera, sin chens riba e resolucion lihe cu cual e por calma su achterban.

Bo por bisa hopi cos di Otmar Oduber, bon y malo, berdad y falso. Pero si tin un cos cu mi no ta duda den dje ta cu ora e haci un move, e no ta hacie pa loco y sigur no con cu ta. Husticia, Finanzas Publico, e refineria, Bahia Principe, e ley di all-inclusive cu a keda pega, tur esakinan ta motibonan cu lo ta genuino, pero mi gevoel ta bisa cu tin mas. Por ta hecho cu hende a post cos for di sla riba Facebook tocante e minister su famia, pa despues cana rond den Bestuurskantoor manera nada un pasa tambe a hunga un rol. Pero pa yega na un kiebro asina habri y spectacular? Pa trece un division asina grandi den e partido su siguidornan? Mi gevoel ta bisa cu loke a pasa den ultimo dos dianan tabata planea dia bieu caba y warda den cashi pa e momento oportuno. Corda cu henter su declaracion, pa emocional cu e tabata tambe, tabata uno principalmente politico. Y corda, un biaha mas, cu Otmar Oduber no ta haci cos pa loco y sigur no con cu ta.

Mi guess – y e ta no mas cu un guess – ta cu awe porfin tabata e dia oportuno pa los e monster y cu nos tabata testigo di e comienso di un movimento politico nobo, cu potencial real di bira e di tres partido grandi na 2017, algo cu hopi hende ta pidiendo p’e na momento aki. Pasobra pa loke ta campaña y financiamento di maquinaria, Otmar Oduber ta e guy mes mes. Y e biaha aki e no ta bay tin nada pa perde y tur cos pa gana. E ta bay tin un aña y mey pa campaña nonstop, 24/7. Preparabo.

Top Ads
Top Ads
Top Ads

About The Author

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.