Live from the bunker

Live from the bunker
Top Ads
Top Ads

capture-20151230-121108

Mirando cu ta yama conferencia di prensa relampago den oranan di anochi pa anuncia tur tipo di non-binding agreements, bo lo kere cu gobierno lo a invita tur prensa pa ta presente ora nan anuncia cu lo baha tarifa di utilidad cu 10%. Pero no. Awemainta – pa loke mi por a compronde despues – a tene un ‘anuncio’ den sala di conferencia cu a wordo transmiti pa e propio medionan di gobierno. Segun Bestuurskantoor e idea tabata pa tene un anuncio ‘sera’, pues sin prensa. “Nos sa haci esey mas biaha.” Un periodista sinembargo si tabata presente, locual formalmente lo mester kita henter e aspecto di anuncio ‘sera’, right? Mi kemen, e ora ey yama tur pa yega. Anyway, e resto di nos a haya nos mes forsa pa wak e transmision live via Facebook sin haya e oportunidad pa haci mas pregunta tocante e rebaho y mas importante ainda, e situacion di hedging.

Esnan presente den sala a tene nan mes tambe strictamente na e topico. Pues no a puntra minister De Meza, prome minister Eman of director di Utilities Frank Hoevertsz tampoco riba e alegacionnan pisa cu ta wordo haci riba caya y den prensa local y Venezolano tocante lazonan kizas no mucho apropia cu ‘El Duque’ Roberto Rincón.

Ta di lamenta cu un gobierno cu te awo toch semper a tene porta basta habri pa medionan aworaki ta hinca nan cabes den santo y percura pa prensa critico no haci su trabou. E cuestion di hedging ta merece pa wordo responsabilisa. E nomber di Rincón no ta bay ‘fade away’ por lo pronto tampoco. Sigur no cu ta parse cu e lo mira mesa berde na Merca. Nos trabou di informa pueblo na un manera debido y responsabel ta wordo stroba na e momento aki y esey no ta bon tampoco pa gobierno su imagen.

Anyway, di biaha despues a pone youtube di e conferencia di prensa aki, live for di e bunker cu porta y bentana sera. Enjoy.

Top Ads
Top Ads

About The Author

Related posts

1 Comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.