CMB BD

Calor

Calor
Top Ads
Top Ads
Top Ads

10384228_10152269347565998_1912317915518967784_n

E simannan aki ta letterlijk y figuurlijk superhot. Cu dos sistema di horcan den nos bisindario nos ta stobando den nos mesun awa akinan sin niun bista riba alivio den forma di un tiki awacero. Pero esey no kiermen cu bida ta moviendo un poco extra slow den maldito calor aki. Tin pelea den aire. Ta parce cu hende nan chip ta net un tiki mas overheated y nan fuse net un tiki mas cla pa rementa. Ley di CAFT ta cla pa wordo trata y partido geel ta bayendo all-out pa mobilisa nan militancia pa bay guerra. Evelyn y te hasta Glenbert cu usualmente ta asina suave a saca huña mas cu normal, mientras cu militancia berde tambe ta yamando nan hendenan pa bay ‘apoya’ na Parlamento diahuebs awo. Ambiente mahos ta bek y ta parce aworaki cu ambos banda ta cla pa ventila nan frustracionnan fisicamente riba otro. Mi ta echt spera hende por toch stop, hala rosea un rato anto fria cabes pasobra bringando otro sigur nos no ta yega niun caminda. Tin hopi motibo pa ta critico riba e ley di CAFT y tambe riba e gobierno actual, mescos cu tin boshi motibo tambe pa ta critico riba oposicion cu un biaha mas ta purba hiba e pleito pafo di unda e mester ta, pues Parlamento di Aruba. Accion violento, calumnia pisa y intimidacion ta daña ambiente y te hasta ta hinca nos pan turistico den riesgo pasobra bo no kier pa un turista canando eybou haya bista riba tipo di actuacionnan asina. Ley di CAFT ta wordo aproba, con cu bay bin. Hulanda a mire y aprobe caba prome cu el a wordo manda pa Staten y e acuerdo ta cu e lo wordo pasa pa e mayoria. Pues pakico gasta bo energia na bringamento. Argumenta, haci bo show y tene bo ‘amunicion’ seco pa 2017, pasobra den un eleccion valido y democratico e cos ey tin cu wordo dicidi. Purba ‘baha’ un gobierno a la fuerza manera cada biaha ta wordo apela p’e ta haci hopi mas daño cu actually logra algo. Anyway, mi a yega di bisa tur esaki hala di biaha caba…

Locual ta hopi mas interesante ta e asunto di refineria. By now bo por bisa cu e hotel no ta bay bin mas pa awo, pasobra dia el a bin bek Aruba fin di siman pasa, prome minister cu poco jetlag a uza hopi palabra pa basicamente bisa cu e deseo di gobierno ta toch un tiki mas tanto ongeveer pa wak si ta posibel pa haci un reapertura, pero na un manera ‘green’. Hulanda lo ta dispuesto pa yuda cu experticio. Compolaga. Corda con Rutte tabata boga pa maak geld samen? Ata bon cen awo pa traha na Aruba. Shell tin su pia den porta for di dia caba y ata TNO lo por haya chens pa actually den serio cuminsa haci trabounan akiriba. Bo por medio deduci cu e idea di Aruba como showcase pa tecnologia Hulandes, un idea cu te ainda no a echt logra materialisa, por fin a haya bida nobo e siman aki na Den Haag.

E idea riba su mes no ta zona malo, aunke cu na prome bista e ta mustra contradictorio riba su mes. Prome cos bo lo pensa ta: ‘Seh, e huma lo ta green’. Pero awendia refinerianan moderno ta hopi mas limpi, cu relativamente poco emision di C02 y mas siguridad contra cosnan cu pa casi 100 aña caba nos a custumbra cune manera oilspill y explosion. Problema sinembargo ta si Citgo (lesa: PDVSA) berdad lo kier haci e inversionnan necesario y mas ainda nos track record – aunke cu prome cu esey nos no tabatin track record at all – no ta dje consistente ey. Mi no ta papiando di e proyectonan concreto cu tin. E solar panels na aeropuerto, e waste-to-energy plant cu sinembargo te ainda ta struggle cu carbon y awa sushi cu ta resta di e proceso di kimamento, e plan pa Urirama, luznan LED pa caretera, e plan pa e Smart Community na Kibaima cu te ainda ta mustra mal pega, tur eseynan ta cos. Que hubo di maneho, handhaving y conscientisacion. Bo por tin artefactonan y sistemanan sostenibel pero loke ta conta ta bo mindset y loke bo ta haci dia aden, dia afo, hasta ora hende no ta wak bo. Loke tin riba mesa te awo ta un plan pa prohibi benta di saco di plastic na supermercado, pero mi no a tende mucho mas di esey tampoco. Riba dje, Aruba ainda no tin ley di medio-ambiente. Marine Park? Nope. Y te ainda dumpnan ilegal, entre otro na Tamarijn y Sero Lopez, ta den operacion tumando tur tipo di sushi – hasta di chica pos – for di comercio y publico. Nada di boet of ceramento pa niun taskforce. Y no tin ningun campaña pa conscientisa publico. Pues: business as usual. Si ni esey nos ta haciendo, con nos kier realisa algo asina grandi manera refurbish un refineria bieu den uno moderno y sostenibel exitosamente? Mi no ta bisa cu no por y mi no ta bisa cu ta laat. Mi ta bisa cu nos mester haci hopi mas, prome cu esaki tambe bira otro proyecto ‘net wel/ net niet’. Nos no por afford tipo cosnan asina mas.

Top Ads
Top Ads
Top Ads

About The Author

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.