Abundancia

Top Ads
Top Ads

Lagami bisa esaki prome cu tur cos: mi gusta piscamento. E ta relaha mi y loke mi ta catch (si mi catch algo, puntra esnan numa cu sa bay tira liña na baranca cu mi con plega mi ta) ta baha bon, pasobra t’ami a pisc’e. Mi tin respet tambe pa e ofishi di piscador. Fuera cu e ta un tradicion cu ta di nos, e ta un obra cu tin su riesgonan economico y peligernan cu mayoria di nos nunca lo por compronde full ya cu mayoria di nos no ta durf sali den un boto chikito bay 7, 8 miya pafo.

Tempo mi tabata chikito mi tabata haya hopi zuiver ora cu corant tabatin un portret di un tribon grandi cu a wordo hiba tera. E tabatin algo di, ‘wow, e co ki tabata hopi peligroso y mi lo kier hacie un biaha tambe.’ Pa hopi tempo mi tabata fascina cu tribon, juist pasobra e ta grandi y lihe y cu djente skerpi cu por matabo den un hap. Pero esey tabata tempo mi tabata mucha, y mi no tabata sa miho. Temponan aya nan tabata trece mas tribon aden tambe.

Awemainta ora mi a wak e pic di e tigershark grandi cu nan a trece canto, pa e mesun placa ta un alien for di Pluto nan lo a bin cune. Asina hopi tempo mi tabatin sin wak un. Y esey ta loke a dunami rabia. Pasobra matando e tribon aki bo ta of asumi cu ainda tin abundacia den lama, suficiente a lo menos pa bo bay traha poco balchi cu keri keri di e bunita y mahestuoso animal aki, of bo sa juist masha bon cu nan ta cabando – y hende di lama no ta bobo, nan ta bon aware cu piscamento mecanisa y factornan ambiental ta haciendo lama mas y mas bashi -, y toch bo ta mate. Pasobra ‘laga pa ken’, kizas e expresion mas infantil, destructivo y retrasa den nos vocabulario. Orguyo ami por compronde ainda, pero hopi mas bunita lo tabata e common sense cu net un bestia asina bo tin cu respeta y laga pa kizas un dia den futuro tin suficiente atrobe pa hustifica un matanza. Te ainda no tin ley ni castigo pa mata tribon, tortuga y otro bestianan cu no tin hopi mas di nan den lama, pero loke si tin ta e cantidad di hende cua subi riba facebook y condena e matamento di e tremendo tigershark aki. Esey kiermen cu por ta un dia lo yega cu di berdad, pa ley y cu enforsamento, porfin nos por cuminsa protehe nos flora y fauna.

Top Ads
Top Ads

About The Author

Related posts

1 Comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.